MÜHARİBƏ-QƏLƏBƏ-MƏĞLUBİYYƏT HAQQINDA
1. Məğlubiyyətin oyatmadığı insan heç vaxt qalib gələ bilməz!
2. Qalib xatirələrlə, məğlub intiqam hissi ilə yaşayır!
3. Məğlub etdiyin rəqibi düşmənə çevirmək qələbəni əldən verməkdir!
4. Qələbə yalnız güclülərə yox, həm də səbrli və bacarıqlı olanlara qismət olur!
5. Revanşa cəhd etməyən ikiqat məğlubdur!
6. Çox nəhəng qələbələrin ağırlığı bə’zən qalibləri məhv edir!
7. Öz-özünə qalib gəlməyi bacaran başqasına məğlub olmaz!
8. Döyüşə gedəndə məğlubiyyət haqqında düşünmə, məğlub olandan sonra isə yadından çıxarma!
9. Məğlubiyyət qaçılmaz olanda yalnız axmaqlar ondan qaçmağa cəhd edər!
10. Məğlubiyyəti döyüşə-döyüşə qəbul etmək - yarımçıq qələbədir!
11. Müharibələri yaşlı nəsil başlayır, gənc nəsil qurban olur!
12. Hansı ad altında başlanmasından asılı olmayaraq son nəticədə müharibə sadəcə insan qırğınıdır!
13. Sülh vaxtı adam öldürmək cinayət, müharibə vaxtı qəhrəmanlıq sayılır!
14. Heyvanlar müharibə etməyi bacrasaydılar ilk müharibələri insanlara qarşı olardı!
15. Güc nisbətdən bilinir. Qarışqa çox kiçik olsa da, bədən nisbətinə görə fildən güclüdür!
16. Güc həqiqətə qalib gələ bilər, amma onu diz çökdürə bilməz!
17. Bəladan qaçmağa gecikəndə onu qarşılamağa tələsməliyik!
18. İgid insan təhlükədən qoxrmayan yox, təhlükəyə qalib gəlmək istəyən adamdır!
19. Cəsur xalqlar məvh olur, amma kölə olmur!
20. Ağılsız igid həmişə hiyləgər qorxaqa məğlub olur!
21. Müharibələr zorla başlayır ağılla qutarır!
22. Müharibəni axmaqlar başlayır, igidlər davam edir, ağıllılar qurtarır!
23. Sülhün dəyəri onun əhəmiyyətindədir!
24. Qəhrəmanlıq yegənə insani hərəkətdir ki, onu məşq etmək mümkün deyil!
25. İnsanın həqiqi gücü biləyində yox, diləyindədir!
26. Düşməni yaxından tanımaq insanı qələbəyə yaxınlaşdırır!